Almaty jastary úshin jańa platforma: qatysýshylardyń 70 paıyzy jumysqa ornalasa alady
Almatyda jas mamandardy qoldaý úshin qalalyq mansap ortalyǵy uıymdastyrǵan «Next Generation Leaders» biregeı olımpıadasy bastalady. Bul joba kadrlyq rezervti qalyptastyrýǵa jáne jastar jumyssyzdyǵynyń deńgeıin tómendetýge baǵyttalǵan, dep habarlaıdy aqshamnews.kz
Olımpıada úsh kezeńnen turady: onlaın testileý, keıs-chempıonat jáne praktıkalyq tapsyrmamen jeke suhbat. Jas mamandar túıindeme jasaýdy, jumys berýshilermen dıalog júrgizýdi jáne ózderiniń kásibı daǵdylaryn kórsetýdi úırenedi.
Qalalyq mansap ortalyǵynyń jumys berýshilermen jumys bóliminiń basshysy Aqarys Tórebekovtyń aıtýynsha, joba qalanyń 15 joǵary oqý ornyn qamtydy jáne qatysýshylardyń 70%-dan astamy barlyq kezeńnen ótkennen keıin jumys taba alady dep kútilýde.
«Next Generation Leaders olımpıadasy» - bul jaı ǵana baıqaý emes, jastardyń áleýetin ashýǵa arnalǵan tolyqqandy alań. Biz árbir túlektiń bolashaǵyna senimdi bolǵanyn jáne laıyqty jumys tapqanyn qalaımyz», - dedi Tórebekov.
Ol bul bastamalar Almatyda jańa múmkindikter jasaýǵa jáne jumyssyzdyq deńgeıin tómendetýge baǵyttalǵan jastardy qoldaýdyń keshendi baǵdarlamasynyń bir bóligi ekenin aıtty.
Baǵdarlamaǵa qatysýǵa ótinim qabyldaý 26 qańtarǵa deıin jalǵasady. Tirkeý myna siltemege ótińiz: https://forms.gle/6gWS8TNY8dPaxb9x9.
Joba týraly tolyq aqparat alý úshin myna nómirlerge habarlasýǵa bolady: Aqarys - 8 (747) 963 31 35; 8 (708) 769-19-97 Raıhan.