Elimizde perspektıvaly munaı-gaz ýchaskelerin zertteýge mıllıardtaǵan teńge bólinedi
Qazaqstanda jańa munaı ken oryndary ıgerilmek, dep habarlaıdy Almaty-akshamy.kz LS-ke silteme jasap.
"QazMunaıgaz" ulttyq kompanıasynyń málimetinshe, Muǵaljar, Berezovskıı, Jarqyn, Bolashaq jáne Soltústik ózen ýchaskeleri týraly sóz bolyp otyr. Olardy 2023-2024 jyldary KMG barlau enshiles kompanıasy zertteıtin bolady. Árbir ýchaskege 2 mlrd-tan 11 mlrd teńgege deıin qajet bolady.
"Bir ýchaskege 2D-seısmıkalyq barlaýdyń josparlanǵan kólemi shamamen 300-den 2,7 myń km. 3D seısmıkalyq barlaý 400 sharshy km-ge júrgiziledi. Boljamdy geologıalyq resýrstardyń kólemi táýekelderdi esepke almaǵanda bir ýchaskede shamamen 24 mln-nan 350 mln tonnaǵa deıin bolýy múmkin", - dep túsindirdi QMG-da.
Kompanıada atap ótkendeı, barlyq osy aýmaqtar boıynsha tabysqa jetý yqtımaldyǵy 4-13%-dy quraıdy, bul osyndaı óńirlik josparǵa geologıalyq barlaý júrgizý kezindegi ortasha kórsetkish bolyp tabylady. Qorytyndysy boıynsha resýrstyq baza naqtylanyp, sondaı-aq, jer qoınaýyn paıdalanýǵa kelisimsharttar jasasýmen neǵurlym egjeı-tegjeıli zerdeleý úshin perspektıvalyq aımaqtar bólinedi.
Aıta keteıik, Jarqyn (Mańǵystaý oblysy) ýchaskesi Ústirt – Býzachınsk baseıniniń ońtústik – batys bóliginde Ońtústik – Býzachınsk ıilisi sheginde ornalasqan. Soltústik ózen (Mańǵystaý oblysy) Ózen – Qaramandybas ken ornynyń soltústik bóliginde Mańǵyshlaq baseıniniń Beke – Bashqudyq qorǵanynyń sheginde ornalasqan. Berezovskıı (Batys Qazaqstan oblysy) Kaspıı mańy oıpatynyń soltústik borttyq aımaǵynda ornalasqan. Muǵaljary (Aqtóbe oblysy) Kaspıı mańy oıpatynyń shyǵys bortynyń soltústik bóliginde ornalasqan. Bolashaq (Mańǵystaý oblysy) – Ústirt – Býzachınsk baseıniniń soltústik bóliginde eki iri tektonıkalyq elementterdiń túıisken jerinde – Kaspıı mańy jáne Soltústik Ústirt oıpattarynda. Sırek kezdesetin seısmıkalyq beıinder jelisi boıynsha ýchaske sheginde Sarytaý, Salqyn jáne Aral qurylymdary qarastyrylǵan.