Qazaqstan Respýblıkasy Arnaıy operasıalar kúshteriniń qolbasshylyǵy Memleket basshysynyń armıanyń jaýyngerlik qabiletin túbegeıli arttyrý jáne Qarýly Kúshterdiń jumysyn qaıta qurý jónindegi tapsyrmasyn iske asyrý sheńberinde quryldy, dep habarlaıdy Almaty-akshamy.kz.
Arnaıy operasıalar kúshteri - eldiń qorǵanys qabiletin, áskerı qaýipsizdigin qamtamasyz etý sheńberinde, onyń ishinde terorızmge qarsy operasıalarǵa qatysý jáne zańsyz qarýly quralymdarǵa qarsy arnaıy mindetterdi sheshýge arnalǵan qurylym.
Osy ýaqyt ishinde Qorǵanys mınıstrligi qolbasshylyqtyń kúshteri men quraldar quramyn, mindetteri men fýnksıalaryn aıqyndady. Jyl boıy basqarý organdaryn, arnaıy operasıalar kúshteriniń bólimshelerin quzyretti mamandarmen jasaqtaý, olardy zamanaýı tehnıkamen, qarý-jaraqpen jáne oqý-materıaldyq bazamen jaraqtandyrý jumystaryn júrgizdi.