Bul jóninde QR Mádenıet jáne sport vıse-mınıstri aıtty.
Qazaqstanda rámizderdi qorlaǵandar 10 mıllıon teńge aıyppul tóleıdi. Bul týraly Mádenıet jáne sport mınıstrliginiń keńeıtilgen alqa otyrysynda aıtyldy, dep habarlaıdy Almaty-akshamy.kz Azattyq Ruhy-na silteme jasap.
«Memleket basshysynyń tapsyrmasyna sáıkes, Qylmystyq kodekstiń "Memlekettik rámizderdi qorlaý" týraly 372-babyna ózgerister engizildi. Ózgerister nátıjesinde rámizderdi qorlaý deregi úshin aıyppul kólemi 3 000 AEK-ke ulǵaıtyldy jáne qoǵamdyq jumystarǵa tartýdyń eń uzaq merzimi 600-den 900 saǵatqa deıin kóbeıtildi», - dedi QR Mádenıet jáne sport vıse-mınıstri Nurǵısa Dáýeshov.
Eske sala keteıik, byltyr Almatyda "Irına Kaıratovna" men Shiza konsertinde top músheleri memlekettik týǵa qurmet kórsetpeı, sahnada balaǵat sózder aıtqan edi.