Alaıaqtar abonenttik nómirdi aýystyrýǵa arnalǵan servısterdi belsendi paıdalanady.
Internet alaıaqtyqqa qarsy kúres álemde basa nazar aýdarý kerek máseleniń biri bolyp otyr. Alaıaqtar azamattardy aldaý úshin ártúrli amaldardy qoldanady. Bul týraly búgin Ortalyq komýnıkasıalar qyzmetiniń baspasóz máslıhatynda málim boldy, dep habarlaıdy Almaty-akshamy.kz Baq.kz silteme jasap.
QR İİM Krımınaldyq polısıa departamenti kıberqylmysqa qarsy kúres ortalyǵynyń basshysy Jandos Súıinbaı jyl saıyn osyndaı jaǵdaılardyń kóbeıip jatqanyn basa aıtady.
«Sıfrlyq tehnologıalardyń damýy ony paıdalana otyryp jasalanatyn urlyqtardyń kóbeıýine alyp keldi. Búginde ınternet alaıaqtyq keń qoǵamdyq rezonans týdyryp otyr. Aǵymdaǵy jyly olardyń sany 18 000-nan asyp otyr», – dedi ol.
Kóbinese mundaı qylmystar taýarlardy onlaın satyp alý jolymen jasalady eken. Mundaı ádispen 6000-daı qylmys tirkelgen.
- Sondaı-aq, bank, quqyq qorǵaý organdarynyń qyzmetkerimin dep jasalǵan alaıaqtyq erekshe alańdatyp otyr, - deıdi ol.
«Jyl basynan beri osy tásilmen 3000-daı qylmys tirkelip otyr. Bul - alańdaıtyndaı másele. Tirkelgen isterdi taldaý kórsetkendeı, osyndaı jaǵdaıda alaıaqtar abonenttik nómirdi aýystyrýǵa arnalǵan servısterdi belsendi paıdalanady», – dep atap ótti.
Mamannyń sózinshe, alaıaqtar kóbinese telefon arqyly habarlasyp, kúdikti opersıa týraly habarlaıdy nemese banktiń jemqor qyzmetkerin ustaǵaly jatyrmyz, kómegińiz kerek dep habarlasady. Osyndaı sátte ań-tań bolǵan azamat kóbinese alaıaqtardyń qurbany bolyp jatady.