Bazarbaev pen Prınbekovke qatysty tergeý aıaqtaldy.
Almaty qalasy boıynsha QMA departamenti «AlanParking» JSHS dırektory Muhtar Bazarbaev pen «Almaty SpesTehParkıng Servıs» JSHS dırektory Marat Prınbekovke qatysty qylmystyq isti tergeýdi aıaqtady, dep habarlaıdy Almaty-akshamy.kz.
Sheneýnikterge 436 mln teńge kóleminde qarajat jymqyrý faktisi boıynsha aıyp taǵylǵan edi. Keltirilgen zalal tolyq kólemde óteldi. Qylmystyq is sotqa jiberildi.
«Bas fıgýrant jáne qylmysty uıymdastyrýshy Murat Boranbaevqa halyqaralyq izdeý jarıalandy», - dep habarlady Qarjylyq monıtorıńi agenttigi.
Almaty qalasy boıynsha QMA departamenti qala prokýratýrasymen birlesip, qala ákimdiginiń komýnaldyq menshigine «Almaty SpesTehParkıng Servıs» JSHS 70% úlesin jáne «AlanParking» JSHS 100% úlesin qaıtarý boıynsha sharalaryn qabyldady.
Eske sala ketsek, 14 sáýirde «AlanParking» JSHS bas dırektory Muhtar Bazarbaev qamaýǵa alyndy. Al 18 sáýirde polısıa «Almaty SpesTehParkıng Servıs» JSHS dırektory Marat Prınbekovti ustady.