Naýryz aıynda ınflásıanyń jedeldeýi 2016 jyldan keıingi rekordty kórsetti. Bul týraly QR Ultyq bankiniń tóraǵasy Ǵalymjan Pirmatov aıtyp berdi, dep habarlaıdy Almaty-akshamy.kz QazAqparatqa silteme jasap.
«Naýryzda Qazaqstanda ınflásıa 8,7%-dan 12%-ǵa deıin jedeldep, 2016 jylǵy qyrkúıekten beri eń joǵary kórsetkishke jetti. Azyq-túlik taýarlary ınflásıaǵa eń kóp úles qosty, olardyń ósimi 10%-dan 15,4%-ǵa deıin jedeldedi. Oramjapyraq, qant, kartop, qyzanaq baǵasynyń aıtarlyqtaı óskeni baıqaldy», - dedi Ulttyq bank tóraǵasy Úkimettiń búgingi otyrysynda.
Naýryzdyń tórtinshi aptasynyń qorytyndysy boıynsha, áleýmettik mańyzy bar azyq-túlik taýarlarynyń baǵasy jyldyq kórsetýde 18,6%-ǵa deıin ósken.
Bul ósimge naýryzdyń ekinshi aptasynda jekelegen azyq-túlik taýarlaryna suranystyń artýy aıtarlyqtaı úles qosty.
Áleýmettik mańyzy bar azyq-túlik taýarlary baǵasynyń aptalyq ósýi naýryzdyń sońǵy aptasynda – 1,3%, sáýirdiń birinshi aptasynda – 0,9% bolyp turaqtap jatyr.