Alma ósirýshiler ımportqa ýaqytsha tyıym salýdy suraıdy, dep habarlaıdy Almaty-akshamy.kz «Habar 24»-ke silteme jasap.
Óıtkeni sharýalardyń kóbi ózi baptap ósirgen almasyn ótkize almaı otyr. Sonda dastarhanymyzda qaı eldiń ónimi? Onyń sapasy qandaı? Ázirge elge sheteldik almany ákelmeý kerek.
Qazaqstandyq alma ósirýshileri Úkimetke osyndaı ótinish aıtty. Naryqta otandyq jemisten góri shetelden keletin arzan almaǵa suranys kóp. Dúken sórelerinde Qytaı, Qyrǵyzstan, Polsha, Iran, ózbekstandyq jemister samsap tur.
Alma ósirýshileri odaǵynyń tóraǵasy Bolatbek Álıev alma pisken kezde ımportty toqtatý arqyly ónimdi saqtaý múmkindigi joq shaǵyn sharýashylyqtardy qoldaý qajet deıdi.
Sharýalar ónimin tolyq sata almaı, saldarynan shyǵynǵa batyp jatyr. Bolatbek Álıev baǵbandardyń óndiris kólemin arttyrýǵa jaǵdaı jasaý kerek deıdi.
Bizdegi baǵbandardyń áleýeti zor. Elde jyl saıyn 10 myń tonnadaı alma ósiriledi. Tıisti qoldaý kórsetilse, ony eki ese arttyrýǵa bolady. Bulaı ishki naryqty qamtyp qoımaı, jergilikti almany eksporttaýǵa da múmkindik týatyn edi deıdi mamandar.