Analar AÁK alý máselesin kóterdi
Alataý aýdanynda jalǵyzbasty jáne kópbalaly analar ákimmen kezdesti, dep habarlaıdy Almaty-akshamy.kz Almaty.tv-ge silteme jasap.
Atqarýshy bılik ókilderine muń-muqtajyn aıtqan aq jaýlyqtylar negizinen AÁK alýdy aıtty. Analardy alańdatqan taǵy bir másele – jańa oqý jylynda balalaryn qural-jabdyqpen qamtamasyz etý. Kóptiń kókeıindegini tyńdaǵan ákim qabyldaýǵa kelgen azamatshalardyń máselesi tıisinshe qaralyp, talap-tilektiń eskeriletinin aıtty.
«Qyrkúıek aıyndaǵy alǵashqy qońyraýǵa daıyn balalardyń jaǵdaıyn bilý maqsatynda jınaldyq. Endi ákimshilik tarapynan mektepke qorjyndar daıyndalyp jatyr. Sómkelerdiń ishinde kerekti barlyq qural-jabdyq bar eken. Azamat Beskempiruly bizdi qoldap jatqanyna alǵys bildiremiz», – dedi kópbalaly ana Gúlzat Asanhan
«Qala boıynsha 30 myń ana bolsa, sonyń 35 paıyzy, 8077 turǵyn Alataý aýdanynda turady. Búgin kezdesý ótti. 40 shaqty kópbalaly ana, ıaǵnı uıymdardyń jetekshileri kelip otyr. Osy turǵyda bizder demeýshilermen Alataý ákimdigi tyǵyz baılanysyp otyryp, kómek qol-ushyn sozyp otyrmyz», – dedi Alataý aýdanynyń ákimi Azamat Qaldybekov.