Qazaqstanda ǵalymdarǵa arnalǵan jańa syılyqtar taǵaıyndalady

Ashyq NQA portalynda Ǵylym jáne joǵary bilim mınıstriniń «Ǵylym salasyndaǵy syılyqtar men memlekettik ǵylymı stıpendıalar týraly» buıryǵynyń jobasy jarıalandy.

Qazaqstanda úzdik ǵylymı zertteýmen aınalysqan ǵalymdarǵa ǵylym salasyndaǵy syılyqtar men memlekettik ǵylymı stıpendıalar berý kózdelip otyr, dep habarlaıdy Almaty-akshamy.kz Egemen.kz-ke silteme jasap. 

Ǵylym salasynaǵy syılyqtar tizimi: 

• Qanysh Sátbaev atyndaǵy syılyq – jaratylystaný ǵylymdary salasyndaǵy úzdik ǵylymı zertteý úshin; 


• Shoqan Ýálıhanov atyndaǵy syılyq – gýmanıtarlyq ǵylymdar salasyndaǵy úzdik ǵylymı zertteý úshin; 


• Aleksandr Baraev atyndaǵy syılyq (úsheý) – agrarlyq ǵylym salasyndaǵy úzdik ǵylymı zertteý men jumys úshin; 


• Ybyraı Altynsarın atyndaǵy syılyq – pedagogıka salasyndaǵy úzdik ǵylymı zertteý men jumys úshin; 


• Kúltegin atyndaǵy syılyq – túrkologıa salasyndaǵy asa zor jetistikter úshin; 


• Jas ǵalymdarǵa arnalǵan Dinmuhamed Qonaev atyndaǵy syılyq – jaratylystaný ǵylymdary salasyndaǵy úzdik jumys úshin; 


• Jas ǵalymdarǵa arnalǵan Muhtar Áýezov atyndaǵy syılyq – gýmanıtarlyq ǵylymdar salasyndaǵy úzdik jumys úshin beriledi. 

Bir adam ǵylym salasyndaǵy syılyqty eki ret alýy úshin arada kemi 5 jyl merzim ótýi tıis.