Abaı oblysynyń Úrjar aýdanynda alıment tólemegen ana bas bostandyǵynan aıyryldy.
Abaı oblysynyń Úrjar aýdanynda turatyn áıel balalaryna alıment tóleýden jaltaryp kelgen. Áıel ákimshilik jaýapqa tartylyp, zańdy jaza taǵaıyndaldy. Úrjar aýdany boıynsha sot oryndaýshylar mundaı jaza alıment tólemeı júrgen basqa boryshkerlerge sabaq bolatyndyǵy jóninde aıtty.
Búginge deıin áıel adamnyń balalary aldyndaǵy qaryzy 2,7 mln teńgeden asqan. Abaı oblysynyń kámeletke tolmaǵandar isteri jónindegi mamandandyrylǵan sotynyń úkimi boıynsha QR QK-niń 139-babymen (Balalaryn kútip-baǵýǵa arnalǵan qarajatty tóleý jónindegi mindetterdi oryndamaý, eńbekke qabiletsiz ata-analaryn, eńbekke qabiletsiz jubaıyn (zaıybyn) kútip-baǵýǵa arnalǵan qarajatty tóleýden jaltarý) bir jylǵa bas bostandyǵyn shekteý jazasy taǵaıyndalyp, QR QK-niń 44-baby 1 bóligimen jylyna 100 saǵat májbúrli eńbekke tartylǵan bolatyn. Biraq áıel sot úkimin oryndamaǵan.
– Abaı oblysy boıynsha QAJD Úrjar aýdandyq №1 probasıa qyzmetiniń esebine alynyp, tárbıe jumystary ótkizilgenine qaramastan azamatsha qorytyndy shyǵarmaǵan. Sot júktegen mindetterdi oryndamaı, qasaqana alıment tólemegen jáne jumysqa ornalasqysy kelmegen. Úrjar aýdandyq sot sheshimimen boryshker áıel sot zalynan bas bostandyǵyn shekteý jazasynyń ótelmegen bóligine bas bostandyǵynan aıyrý jazasyna sottaldy, – dep habarlaıdy probasıa qyzmetiniń aǵa ınspektory Elmıra Mýkıtanova.