Qazaqstanda týrıserdi qabyldaý elektrondyq baqylaýda bolady
Búgin Sheraton Nur-Sultan Hotel qonaq úıinde eQonaq - týrıserdi esepke alý, týrısik aǵyndy taldaý jáne kóshi-qon baqylaýyn júzege asyrýǵa arnalǵan biryńǵaı aqparattyq júıesiniń jumysy tanystyryldy, dep habarlady Almaty-akshamy.kz. QR Mádenıet jáne sport mınıstrliginiń taratqan habaryna silteme jasap.
İs-sharaǵa QR Mádenıet jáne sport mınıstri Aqtoty Raıymqulova, vıse-mınıstr Ǵabıdolla Ábdirahymov, kúsh qurylymdarynyń ókilderi, sondaı-aq týrısik bıznes-qoǵamdastyq qatysty.
«Qazirgi negizgi mindetterdiń biri sıfrlandyrý jáne týrıserdiń kelý prosesterin jeńildetýge arnalǵan aqparattyq júıelerdi keńinen engizý», - dep atap ótti Aqtoty Raıymqulova.
Kazakh Tourism basqarma tóraǵasy Erjan Erkinbaev sheteldik týrıserdi tartý máselelerinde olardyń sanyn ǵana emes, atap aıtqanda, týrıser bizdiń elde qansha kún toqtaıtynyn, qandaı oryndarǵa jıi baratynyn, qandaı qyzmetterdi paıdalanatynyn bilý mańyzdy ekenin aıtty.
«Týrısiń Qazaqstanda bolǵan kúnder sanyn esepteý úshin qonaq úıde turǵany týraly málimetterdi alý qajet. Biz árbir meımanhana óz qonaqtarynyń esebin júrgizetinin jáne olarda osyndaı málimetterdiń bar ekenin bilemiz. Mindet - osy derekterdi biryńǵaı taldaý júıesine jınaqtaý», - dedi Erjan Erkinbaev.
Ázirleýshilerdiń habarlaýynsha, eQonaq QR týrısik salasyn damytýdyń 2019-2025 jyldarǵa arnalǵan memlekettik baǵdarlamasynyń júıeli is -sharasy jáne bastapqyda týrısik aǵyn statısıkasyn retteýdi kózdegen bolatyn.
Sondaı-aq, ótken jyldyń qańtarynda Prezıdent sheteldik týrıserdi mindetti tirkeýden bas tartqany belgili. Endi bul fýnksıa ornalastyrý oryndaryna bekitilgen. Al kóshi-qon qyzmetterine aqparat berýdiń odan arǵy prosesterin ońaılatý úshin eQonaq júıesi osy mindetterge saı ıntegrasıalanǵan.
eQonaq júıesin tájirıbe júzinde paıdalanýdy Kazakh Tourism ulttyq kompanıasy 2020 jyldyń IV toqsanynda júzege asyrǵan. Qazirgi ýaqytta júıe Nur-Sultan jáne Almaty qalalarynda, sondaı-aq Aqmola jáne Soltústik Qazaqstan oblystaryndaǵy 383 ornalastyrý ornynda (qonaq úıler, hostelder, demalys úıleri jáne t.b.) 21985 týrısi tirkep, engizgen.
Sonymen qatar, júıeni ázirleýshiler Ashyq júıesimen ıntegrasıalaýdy josparlap otyr.
«Ózderińiz biletindeı, Ashyq júıesiniń arqasynda biz kınoteatrlarǵa, dámhanalar men meıramhanalarǵa qaıta bara bastadyq. Ol úshin tek ózińizdiń JSN engizip, QR kodty skanerleý qajet. Alaıda sheteldikter JSN qazaqstandyq sáıkestendirgishsiz júıeni paıdalana almaıdy, júıede sheteldikter týraly derekter joq. Bul derekterdi biz eQonaq júıesi arqyly ala alamyz. Bul týrıserge el ishinde qaýip- qatersiz júrýge múmkindik beredi, sonymen qatar biz úshin týrıser toqtaǵan jerlerge ǵana emes, sonymen birge olar ornalasqan jerlerge de qosymsha málimetter qosady. Bul týrızm salasyndaǵy ınfraqurylymdy josparlaý kezinde de kómektesedi, óıtkeni biz týrıser legin kóremiz», - dep málimdedi Erjan Erkinbaev.
Osy jyldyń maýsym aıynda Alakól, Balqash, Atyraý jáne Aqtaý qonaq úılerine eQonaq engizý josparlanǵan. Jyl sońyna deıin elimizdiń basqa da týrısik aımaqtaryn qamtý jáne eQonaq júıesi bar qonaq úıler sanyn 600-ge deıin jetkizý josparlanyp otyr.
Bizdiń anyqtama: Kazakh Tourism ulttyq kompanıasy Aksıonerlik qoǵamy Qazaqstan Respýblıkasy Úkimetiniń qaýlysymen 2017 jylǵy shildede qurylǵan. Kompanıanyń negizgi mindeti-eldiń týrısik áleýetin shetelde ilgeriletý, MICE is-sharalaryn tartý, sondaı-aq Qazaqstannyń týrısik salasyna ınvestısıalar tartý.