Osyǵan baılanysty departament qala tūrǵyndary men qonaqtaryn sabyr saqtauǵa shaqyrady
Almaty qalasynyń Tótenshe jaǵdaılar departamentí 2021 jylǵy 17 mausymda jergílíktí uaqytpen kúndízgí 12 saǵat 55 mınutta toqsan saıyn júrgízíletín josparly tehnıkalyq daıyndyǵyn tekseredí, dep habarlaıdy Almaty-akshamy.kz qalalyq TJD saıtyna sílteme jasap.
Oqu-jattyǵu elektr dabyldaryn qosu arqyly «Barshanyń nazaryna!» bíryńǵaı qūlaqtandyru sıgnalyn beríp, tele jáne radıo taratu arnalaryn avtomatty túrde qamtumen bír uaqytta halyqqa qūlaqtandyru júıesíníń tehnıkalyq daıyndyǵyn tekseru júrgízílíp jatqandyǵy turaly habar beru qarastyrylǵan.
Osyǵan baılanysty departament qala tūrǵyndary men qonaqtaryn sabyr saqtauǵa shaqyrady. Almaty qalasynyń TJD tótenshe jaǵdaılar tuyndaǵan jaǵdaıda elektr sırenany qosu kezíndegí kelesí erejelerdí eske salady. Eger dabyl dybysy úıde estílse:
- radıo taratu jáne teledıdar qabyldaǵyshtaryn qosyńyz;
- shūǵyl habarlamany tyńdańyz;
- berílgen habarlamaǵa sáıkes áreket etíńíz.
Eger dabyl dybysy kóshede estílse:
- kóshedegí dauys zoraıtqyshtar men jyljymaly habarlau qūraldary arqyly beríletín shūǵyl habarlamany tyńdańyz;
- berílgen habarlamaǵa sáıkes áreket etíńíz.
