Bul ataýly kúni Elbasynyń Jalpyǵa ortaq Eńbek Qoǵamyn qurý ıdeıasyn nyǵaıtý aıasynda bekitilgen.
Búgin elimizde Eńbek kúni atap ótiledi, dep habarlaıdy Almaty-akshamy.kz QazAqparatqa silteme jasap.
2013 jyldyń 22 qazanynda QR Tuńǵysh Prezıdenti – Elbasy Nursultan Nazarbaevtyń Jarlyǵymen qoǵamdaǵy adam eńbeginiń bedelin ósirý, óndirýshi eńbekti yntalandyrý, jumys mamandyqtaryn nasıhattaý jáne óndiris salasyna jastardy tartý, jumys áýletindegi kópjyldyq dástúrdi nyǵaıtý maqsatynda qyrkúıektiń sońǵy jeksenbisi «Eńbek kúni» bolyp belgilengen bolatyn.
Bul ataýly kúni Elbasynyń Jalpyǵa ortaq Eńbek Qoǵamyn qurý ıdeıasyn nyǵaıtý aıasynda bekitilgen edi. Sonymen qatar «Eńbek ardageri» medali de berile bastady. Marapat eńbek qyzmetinde joǵary nátıjege qol jetkizgen óndiris ozattaryna, eńbek ótili 40 jyldan asqan, bir salaǵa keminde 10 jyl eńbek sińirgen jumysshylarǵa berilip keledi.