Sport áýesqoılary túrli qashyqtyqta júgirip ótedi.
Almatyda 26 qyrkúıek kúni júgirýden onynshy mereıtoılyq «Almaty marafony» ótip jatyr, dep habarlaıdy Almaty-akshamy.kz.
Bıyl onynshy ret ótip otyrǵan marafon koronavırýsqa baılanysty birneshe ret keıinge shegerilip kelgen bolatyn.
Marafon ashylýynda Almaty qalasy ákiminiń orynbasary Erjan Babaqumarov sóz sóıledi. Qatysýshylarǵa sáttilik tilep, buqaralyq sportty damytýda júgirýdiń mańyzdy ekenin atap ótti.
Atalmysh sharada sport áýesqoılaryna kelesi qashyqtyqtar berilgen: 10 km, 21,1 km, 42,2 km, Ekıden komandalyq estafetasy, 10 km skandınavıalyq júris.
Sóre ýaqyty:
07:30 – 42,2 km jáne Ekıden
07:40 – 21,1 km
07:55 – 10 km
08:10 – 10 km skandınavıalyq júris.
10 km – jarysqa 15 jastan asqan sportshylar qatysa alady.
Jeńimpazdar men júldegerlerge medaldar, maqtaý qaǵazdary men syılyqtar beriledi.
10 km skandınavıalyq júris – jarysqa 15 jastan asqan sportshylar qatysa alady. Qashyqtyqty mindetti túrde skandınavıalyq júriske arnalǵan taıaqshalarmen júrip ótý qajet.
21,1 km – jarysqa 18 jastan asqan sportshylar qatysa alady.
Jeńimpazdar men júldegerlerge aqshalaı júlde, medaldar, maqtaý qaǵazdary men syılyqtar beriledi.
42,2 km – jarysqa 18 jastan asqan sportshylar qatysa alady.
Jeńimpazdar men júldegerlerge aqshalaı júlde, medaldar, maqtaý qaǵazdary men syılyqtar beriledi.
Ekıden komandalyq estafetasy – 6 adamnan turatyn komandaǵa 16 jastan asqan áýesqoı sportshylar qatysa alady.
Jeńimpazdar men júldegerlerge medaldar, kýboktar, maqtaý qaǵazdary men syılyqtar beriledi.
Qatysýshylardyń sórelik jarnalarynan túsken qarajattyń bir bóligi jyl saıynǵy qaıyrymdylyq maqsattaryn iske asyrýǵa baǵyttalatyn bolady.
Starttyq jıyntyqtar 24-25 qyrkúıekte saǵat 10:00-den 21: 00-ge deıin beriledi meken-jaıy: Tımırázev kóshesi, 42, Atakent KİYO, 11 pavılon.
Basqa kúnderi bastapqy jıyntyqtar berilmeıdi.
