Stambulda Dúnıejúzi qazaqtarynyń kishi quryltaıy ótti.
Qazaqstan Táýelsizdiginiń 30 jyldyǵy aıasynda Ystambulda Dúnıejúzi qazaqtary qaýymdastyǵynyń «Jahandaný órkenıetindegi qazaq álemi» atty Kishi quryltaıy ótti, dep habarlaıdy Almaty-akshamy.kz Qaýymdastyqqa silteme jasap.
Májilis aldynda jergilikti bılik ókilderi men Kishi quryltaı delegattary jáne qala turǵyndary túrik pen qazaqqa ortaq tulǵa Mustafa Óztúrik atyndaǵy saıabaqtyń ashylý saltanatyna qatysty. Saıabaq Qazaqstannyń Túrkıadaǵy Elshiligi men Ystambuldaǵy Bas konsýldyǵynyń uıytqy bolýymen ashylyp otyr. Ashylýda Ystambul qalasynyń 800 myń halqy bar Baǵjylar aýdanynyń ákimi Lokman Chaǵyryjy, Qazaqstan Respýblıkasynyń Ystambuldaǵy Bas konsýly Álim Baıel, Dúnıejúzi qazaqtarynyń qaýymdastyǵy Tóraǵasynyń birinshi orynbasary Zaýytbek Turysbekov sóz sóılep, dańqty sportshynyń eskertkishi ornatylǵan saıabaqtyń lentasyn kesti. İs-sharaǵa M. Óztúriktiń qaryndasy Perıhan men Germanıada turatyn qyzy Neslıhan da qatysty.