Bılik ókilderi elimizde saýda nysandaryn kúrdeli kezeńde baǵany qoldan ósirmeýge shaqyrdy, dep habarlaıdy Almaty-akshamy.kz QazAqparatqa silteme jasap.
Bul týraly agenttiktiń baspasóz qyzmeti málim etti.
«Negizgi azyq-túlikter qory elimizde jetkilikti. Qazirgi ýaqytta Saýda jáne ıntegrasıa mınıstrligi óńirlerdiń ákimdikteri men saýda obektilerimen birlesip, azyq-túlik taýarlaryn eldi mekenderge úzilissiz jetkizýdi qamtamasyz etýde. Birqatar eldi mekenderde buzaqylyq áreketterden zardap shekken keıbir saýda nysandarynyń jumysy toqtap tur. Sondaı-aq kontrterrorıstik operasıa belsendi júrip jatqan oryndarda jeke saýda obektileri áli de jabyq. Saýda jáne ıntegrasıa mınıstrligi, Básekelestikti qorǵaý jáne damytý agenttigi negizgi taǵam taýarlaryna, dári-dármek pen janar-jaǵar maı baǵasyn alyp-satarlyq arqyly qoldan ósirip, ajıotaj týdyrmaýǵa shaqyrady. Agenttik azyq-túlik baǵasyna kún saıyn monıtorıń júrgizedi», - delingen agenttiktiń málimetinde.
Atalǵan taýar baǵasyn qoldan ósirý faktilerine tap bolǵandar jedel jeliniń myna nómirlerine habar bere alady: Nur-Sultanda (87172) 74-96-64, 74-34-01, 74-31-26, 74-90-52 (qońyraýlar Nur-Sultan ýaqyty boıynsha saǵat 9-00-den 18-30-ǵa deıin qabyldanady), mobıldi nómirler 8-705-231-24-23, 8-776-458-88-85, 8-708-883-02-62, 8-701-369-61-28 (Nur-Sultan ýaqyty boıynsha saǵat 22-00-ge deıin).