Qazaqstan Respýblıkasy Prezıdentiniń baspasóz hatshysy Berik Ýálı keıingi sheshimderi men úndeýleri boıynsha blogosferada ártúrli sıpattaǵy alypqashpa áńgimelerge qatysty málimdeme jasady, dep habarlaıdy Almaty-akshamy.kz BAQ.KZ-ke silteme jasap.
Bul týraly Aqordanyń baspasóz qyzmeti BAQ.KZ tilshisine telefon arqyly habarlady.
- Memleket basshysynyń keıingi sheshimderi men úndeýleri boıynsha blogosferada ártúrli sıpattaǵy túsindirmeler jarıalanýda. Osyǵan baılanysty mynadaı málimdeme jasaý qajet dep sanaımyn: Qasym-Jomart Toqaev – memleketimizdegi eń joǵary laýazymdy tulǵa jáne Qaýipsizdik Keńesiniń tóraǵasy. Sondyqtan Memleket basshysy derbes sheshim qabyldaıdy, – delingen Berik Ýálıdiń málimdemesinde.
Sonymen qatar ol Memleket basshysynyń barlyq úndeýdi ózi jazatynyn atap ótti.
Konstıtýsıalyq qurylymǵa nuqsan keltirýdi kózdegen sodyrlardyń Qazaqstanǵa shabýyl jasaǵan qaıǵyly kúnderi de osylaı bolǵan. Qasym-Jomart Kemeluly otandastarymyzǵa óziniń úndeýlerin keńesshilerdiń kómeginsiz ádettegideı ózi jazdy, – dedi Berik Ýálı.