Jappaı egin jınaý respýblıkanyń barlyq óńirlerinde bastaldy.
Ortalyq komýnıkasıalar qyzmeti alańynda QR Aýyl sharýashylyǵy vıse-mınıstri Ábilhaıyr Tamabek 2022 jylǵy egin jınaý naýqanynyń barysy týraly baıandama jasady, dep habarlaıdy Almaty-akshamy.kz Inbusiness.kz cilteme jasap.
Onyń aıtýynsha, bıylǵy qolaıly jaǵdaılar egin jınaý jumystaryn ýaqytyly bastaýǵa múmkindik berdi. Búgingi kúni el boıynsha jalpy 9,2 mln gektar dándi jáne dándi-burshaqty daqyldar jınaldy. Ol jospardyń 57,8% quraıdy. Ortasha ónimdilik 12 s/ga qurap, 11,2 mln tonna astyq bastyryldy. Jappaı egin jınaý respýblıkanyń barlyq óńirlerinde bastaldy.
«Bıyl aýyl sharýashylyǵy daqyldarynyń jınaýdyń jalpy alańy 23,4 mln gektardy qurady, onyń ishinde 16,1 mln-y dándi daqyldar. Aıta keteıik, egis naýqany sapaly tuqymdardy qoldana otyryp, ońtaıly merzimde júrgizildi. Sharýalar ýaqytynda tyńaıtqyshtar salyp, hımıalyq óńdeýdi ýaqytyly júrgizdi. Bul óz kezeginde daqyldardyń sapasyna oń áser etti. Egin jınaý jumystaryn júrgizý úshin 147,7 myń traktor, 38,1 myń astyq jınaıtyn kombaın, 73,4 myń traktor tirkemesi bar», – dedi vıse-mınıstr.
Sondaı-aq jappaı egin jınaý jumystaryn bastaý úshin «Jasyl damý» AQ qarajaty esebinen aýyl sharýashylyq tehnıkasyn jeńildikpen nesıelendirý tetigi pysyqtaldy. Jeńildetilgen lızıńke shamamen 40 mlrd teńge baǵyttaldy. 2022 jylǵy 5 tamyzdan bastap «QazAgroQarjy» AQ barlyq fılıaldarynda osy baǵdarlamalarǵa qatysýǵa ótinimder qabyldaý júzege asyrylýda. Búgingi kúni 44,7 mlrd teńge somasyna 874 ótinim qabyldady. Bul rette qarjylyq lızıń sharty 345 ótinim boıynsha 18,4 mlrd teńge somasyna jasaldy. 11,9 mlrd teńgege 160 ótinim maquldandy.