«Qazaqfılmge» dekorasıalardy, pavılondardy, sahnalyq zattardy saqtaý júkteledi.
Bul týraly Májilistiń jalpy otyrysynda kınematografıa jáne mádenıet máseleleri boıynsha zań jobasyn talqylaý kezinde Mádenıet jáne sport mınıstri Dáýren Abaev aıtty, dep habarlaıdy Almaty-akshamy.kz QazAqparatqa silteme jasap.
«Atap aıtqanda, «Qazaqfılmdi» saladaǵy memlekettik qoryn saqtaýdy júzege asyratyn zańdy tulǵa retinde anyqtaý usynylǵan. Óz kezeginde «Qazaqfılm» bul qyzmetti ondaǵan jyldar boıy tabysty atqaryp keldi. Sonymen qatar jańǵyrtý aıasynda olar fılmderdi sıfrly nusqaǵa aýystyrý qurylǵysyn satyp aldy jáne otandyq kınonyń altyn qoryn birtindep sıfrly formatqa aýystyrý múmkindigi paıda boldy», - dedi D. Abaev.
Sondaı-aq ol ulttyq fılmder túsirýde satyp alynǵan sahna-qoıylym quraldaryn saqtaý jáne paıdalaný máselesin retteý usynylyp otyrǵanyn aıtty.
«Bul jerde dekorasıalar, pavılondar, sahnalyq zattar týraly sóz bolyp otyr. Búginde túsirilim aıaqtalǵannan keıin barlyq jabdyq stýdıalarǵa beriledi nemese ıesiz qalady. Osy oraıda, túsirilimnen keıin qalǵan sahnalyq-qoıylymdyq quraldardy saqtaýdy «Qazaqfılmge» tapsyrý usynylady», - dedi mınıstr.