Qazaqstanda doktorantýraǵa qujat qabyldaý bastaldy, - dep habarlaıdy aqshamnews.kz.
Qabyldaý 3 shildeden 3 tamyzǵa deıingi aralyǵynda bolady.
Ótinish berý kezinde tek testileý ornyn (qalasyn) tańdaýǵa bolady. Test tapsyrý kúni, ýaqyty jáne orny (mekenjaıy) týraly aqparat 9 tamyzda jeke kabınetińizdiń "Meniń is-áreketim" bóliminde jarıalanady.
Doktorantýraǵa túsý emtıhanyna ótinishter www.app.testcenter.kz saıtynda qabyldanady.
Ótinish qabyldaý merzimi aıaqtalǵanǵa deıin, ıaǵnı 3 tamyzǵa deıin bilim berý baǵdarlamalarynyń tobyna, test tapsyrý tili men ornyna (qalasyna) ózgeris engizýge múmkindik beriledi. DTE-ǵa qatysý quny 21 072 teńge turady.
Ol úshin:
- Mindetti túrde QAZTEST sertıfıkatyn jáne shet tilin meńgergenin rastaıtyn sertıfıkat usynýy kerek;
- Doktorantýraǵa "magıstr" dárejesi jáne keminde 9 aı eńbek ótili bar nemese medısına mamandyqtary boıynsha rezıdentýrada oqý bitirgen adamdar qabyldanady;
- Memlekettik bilim berý tapsyrysy boıynsha jáne aqyly negizde doktorantýraǵa túsý úshin shekti bal - 75 bal, beıini boıynsha doktorlar baǵdarlamasynda shekti bal - 50 bal.