Bul vıza IT-mamandarǵa arnalǵan.
Sıfrlyq damý mınıstrligi halyqaralyq mamandardy tartý jáne Qazaqstannyń sıfrlyq ekonomıkasyn damytýǵa baǵyttalǵan Digital Nomad Visa baǵdarlamasynyń iske qosylǵanyn jarıalady, dep habarlaıdy aqshamnews.kz
Vıza álemniń túkpir-túkpirindegi mamandarǵa Qazaqstanda zamanaýı sıfrlyq qyzmetter men joǵary deńgeıli jaılylyqty paıdalana otyryp, ómir súrý jáne jumys isteýge múmkindik beredi.
Digital Nomad Visa IT-mamandarǵa arnalǵan, Qazaqstandy qashyqtan jumys isteýge yńǵaıly hab retinde usynady. Baǵdarlama joǵary jyldamdyqty ınternetke qoljetimdilik, ozyq sıfrlyq qyzmetter jáne bıznesti júrgizýdiń jeńildigi mańyzdy kásibı mamandardy tartýǵa baǵyttalǵan.
Digital Nomad Visa artyqshylyqtary:
- Ikemdi vızalyq rejım: Vızany berý jáne uzartý rásimderiniń jeńildetilýi.
- 5G jáne spýtnıktik baılanysqa qoljetimdilik: El aýmaǵynda turaqty baılanys qamtamasyz etilgen.
- Jergilikti mádenıetpen ıntegrasıa: Beıimdelýge, turǵyn úı izdeýge jáne kásibı baılanystar ornatýǵa kómek kórsetý.
- Memlekettik qoldaý: Bıznesti jeńildetý jáne ınovasıalyq jobalarǵa qatysý múmkindigi.
«Digital Nomad Visa – Qazaqstandy sıfrlyq kóshpendiler úshin halyqaralyq ortalyqqa aınaldyrýǵa baǵyttalǵan mańyzdy qadam. Baǵdarlama jumys isteýge yńǵaıly jaǵdaılar men joǵary ómir súrý deńgeıin qamtamasyz etedi, bul ınovasıalyq ekojúıelerdi damytýǵa jáne álemniń túkpir-túkpirindegi mamandarmen tájirıbe almasýǵa yqpal etedi»,- dep Sıfrlyq damý mınıstri Jaslan Mádıev atap ótti.
Digital Nomad Visa baǵdarlamasy qazirdiń ózinde qoljetimdi jáne Qazaqstanda jumys isteýge jáne ómir súrýge biregeı múmkindikter beredi.