2022 jyly dárigerlerdiń ortasha jalaqysy 420 myń teńgege deıin ósti.
Bul týraly Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz.
«Memleket basshysynyń tapsyrmasy boıynsha medısına qyzmetkerlerin yntalandyrý maqsatynda 2020 jyldan bastap dárigerlerdiń jalaqysyn jyl saıyn arttyrý sharalary qolǵa alynýda. Bul ony 2023 jylǵa qaraı ekonomıkadaǵy ortasha jalaqydan eki ese joǵary deńgeıge jetkizý maqsatynda jasalyp otyr. 2022 jyly dárigerlerdiń ortasha jalaqysy qazirdiń ózinde 421 myń teńgege deıin ósti. Ortasha medısına qyzmetkeriniń jalaqysy shamamen 235 myń teńgeni qurady», - dedi Ajar Ǵınıat Úkimet otyrysynda.
Mınıstr sondaı-aq MÁMS aıasynda halyqtyń qymbat medısınalyq qyzmetterge qoljetimdiligi artqanyn habarlady. Qazirgi ýaqytta 886 myńǵa jýyq qymbat medısınalyq qyzmet kórsetildi.
«Joǵaryda atalǵan sharalardy júzege asyrýdyń arqasynda aýyldyq eldi mekenderdi alǵashqy medısınalyq-sanıtarlyq kómekpen jáne konsýltatıvtik-dıagnostıkalyq qyzmettermen qamtý 49%-ǵa deıin ulǵaıtyldy. Medısınalyq kómektiń kepildik berilgen kólemi men mindetti medısınalyq saqtandyrý júıesi aıasynda ambýlatorıalyq deńgeıde medısınalyq kómek kórsetý kólemi 56 paıyzǵa jetkizildi», - dedi A.Ǵınıat.