Ulttyq jobanyń birinshi jartyjyldyqtaǵy nátıjeleri belgili boldy.
«Ańsaǵan sábı» baǵdarlamasynyń arqasynda 2 300 bala dúnıege keldi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz QazAqparatqa silteme jasap.
«Júkti áıelderdiń densaýlyǵyn saqtaý jáne balalardyń densaýlyǵyn nyǵaıtý úshin júkti áıelderdi jeke jáne dısıplınarlyq baqylaýmen qamtý 82 paıyzdy qurady. Memleket basshysynyń tapsyrmasy boıynsha «Ańsaǵan sábı» arnaıy baǵdarlamasy iske qosyldy. Baǵdarlamany iske asyrý kezinde 3 myńnan astam áıelde júktilik bastaldy, kópten kútken 2 300 bala dúnıege keldi», - dedi mınıstr «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasynyń birinshi jartyjyldyqtaǵy nátıjeleri jaıynda baıandaı kele.
Ajar Ǵınıattyń atap ótýinshe, balalar men júkti áıelderdi, onyń ishinde qaterli toptaǵy balalardy zerttep-qaraý jáne konsýltasıa berý úshin perınataldyq últradybystyq zertteý skrınıngin júrgizýdi uıymdastyrýdyń jańa standarty bekitildi.
«18 uryqty saqtaý ortalyǵy uıymdastyryldy. Nátıjesinde júkti áıelderdi perınataldyq skrınıngpen qamtý alty aıdyń ishinde 6 paıyzǵa ósti», - dedi ol.