Salyq rejıminiń negizgi mindeti – osy salany qoldaý, aınalymdardy kóleńkeden shyǵarý jáne osy saladaǵy eńbek qatynastaryn zańdastyrý.
Ulttyq ekonomıka birinshi vıse-mınıstri Tımýr Jaqsylyqov 2000 salyq tóleýshiniń bólshek salyq rejımine kóshýi týraly boljamǵa túsinikteme berdi, dep habarlaıdy Almaty-akshamy.kz. QR Ulttyq ekonomıka mınıstrliginiń baspasóz qyzmetine silteme jasap.
Ózderińiz biletindeı, aǵymdaǵy jylǵy 1 qańtardan bastap bólshek salyq rejımi engizildi. Qyzmet túrleriniń tizbesi aqpanda bekitildi. Sondaı-aq rejımdi qoldanýǵa ótinish nysanyn daıyndaý qajet boldy.
Osyǵan baılanysty rejım naýryzdan bastap qoldanyla bastady.
Iaǵnı, rejım is júzinde tek 3 aı jumys isteıdi.
Osy kezeńde 334 salyq tóleýshi tirkeldi. 2000-nan astam salyq tóleýshiniń rejımge kóshýi jónindegi boljam 2 jylǵa jasaldy (2021-2022 jyldar).
Rejımniń paıdasy týraly túsindirý jumystary jalǵasatyn bolady. Salyq tóleýshiler sanynyń ósýi kútilýde.
Qoǵamdyq tamaqtaný salasyndaǵy 115 sýbektige osy rejım qoldanylady.
6% mólsherindegi mólsherleme QQS jáne áleýmettik salyq boıynsha salyq júktemesi bolmaıtyndyqtan tartymdy bolady.
Rejım aınalymy QQS boıynsha esepke qoıý sheginen asatyn (30 myń AEK – 87 mln.teńge) adamdar úshin tıimdi. Rejımge ótkennen keıin olar QQS tólemeıdi. Salyq shegerimder men túzetýlerdi qoldanylmaı, qarapaıym tásilmen esepteledi.
3% mólsherindegi qoldanystaǵy mólsherleme QQS-ty almastyrady. Mólsherleme shaǵyn bıznes sýbektileriniń tabysy salyǵynan úsh jyl bosatýdy eskere otyryp aıqyndalǵan. Mundaı mólsherleme olardyń rejımge ótýin tıimdi etedi.
2023 jyly bosatý merzimi aıaqtalady. Qoldanystaǵy mólsherlemege shaǵyn bıznes sýbektileri úshin ońaılatylǵan deklarasıa rejıminiń 3% mólsherindegi salyq mólsherlemesi qosyldy.
Qoǵamdyq tamaqtandyrý salasynda salyq tóleýshiler sanyn arttyrý boıynsha esepter júrgizilgen joq. Rejımniń maqsaty bul emes.
Bizdiń boljamymyz boıynsha, 2023-2024 jyldary bıznes 18 mlrd.teńge únemdeıdi.