Aktór, tamada, senarıst, shoýmen, vaıner Ábdikerim Muhammetáli Alı Kapkara @_ali_kapkara retinde tanymal.
Onyń shyǵarmashylyq ujymy koronavırýsqa qarsy otandyq vaksınaǵa senedi. Jigitter alǵashqy «Qazaq» komponentin 6 mamyrda aldy. Jaqyn kúnderi ekinshi komponentin saldyrady, dep habarlaıdy Almaty-akshamy.kz.
Vaıner Ábdikerim Muhametáli óziniń vaksına alýy týraly áleýmettik jelidegi paraqshasynda aıtty. Jańa formattaǵy ázil juldyzy vaksına alýǵa shaqyrady, óıtkeni koronavırýspen aýyrý óte qıyn dep sanaıdy.
«Meniń oıymsha, bul bizdiń azamattyq paryzymyz. Bizdiń ujym Túrkistannan Shymkentke bardyq, sodan keıin vaksına alýdy sheshtik. Bul aýdıtorıany tartý úshin jasalmady, tipti sýretke de túspedik. Tek týystarymnyń densaýlyǵyna alańdaımyn», - dedi Alı Kapkara.
Akterdiń aıtýynsha, barlyq jumys onlaın rejımde ótti, vaındardy kóbirek túsire bastaǵan. Jańa jobalar týraly oılanýǵa ýaqyt boldy. Alaıda, bul kezeńniń qaıtalanǵanyn qalamaıdy. Vaıner qala turǵyndaryn vaksına alýǵa shaqyrady, óıtkeni ol qaýipsiz ári eshqandaı janama áserleri joq.
«Vaksına emes, qaýip kondısıonerden, óıtkeni, sýyq ustap qlaýy múmkin. Tek ekpe arqyly týystarymyzdy ári ózimizdi qorǵaı alamyz», - dedi Alı Kapkara.
Almatyda osy jyly 10 maýsymdaǵy jaǵdaı boıynsha 329 671 adam vaksına aldy. Qalada medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da 211 vaksına pýnkti jumys isteıdi. Quramynda 1 257 maman 304 ekpe brıgadasy bar.