QR Oqý-aǵartý mınıstrliginiń Bilim salasynda sapany qamtamasyz etý komıtetiniń málimetinshe, bilim sapasyn arttyrý maqsatynda Ulttyq baǵalaý júıesiniń jańa úlgisi qalyptasty.
Ol eldegi bilim sapasynyń tolyq kórinisin bilýge jáne túrli faktorlardyń yqpalyn saraptaýǵa, eskerýge múmkindik beredi, dep habarlaıdy Almaty-akshamy.kz Oqý-aǵartý mınıstrligine silteme jasap.
Bıylǵy jyly Qazaqstan Respýblıkasynyń Oqý-aǵartý mınıstrligi barlyq baǵalaý quraldaryn júıeleý maqsatynda Orta bilim berýdi baǵalaýdyń ulttyq negizin ázirledi, ol tórt quramdas bólikti qamtıdy: oqýshylardy baǵalaý, pedagogterdi baǵalaý, bilim berý uıymdaryn baǵalaý jáne bilim berý júıesin baǵalaý.
Orta bilimdi baǵalaýdyń ulttyq negizi - EYDU usynymdary negizinde ázirlengen qujat. Ol jalpy ishki jáne syrtqy baǵalaý quraldaryn biriktiredi. Mysaly, bilim alýshy deńgeıinde: formatıvti jáne jıyntyq baǵalaý, qorytyndy atestattaý, sonymen qatar mektepterge arnalǵan halyqaralyq PISA zertteýiniń nátıjeleri.
«Bul bilim berý prosesiniń árbir qatysýshysyna - ata-anadan, oqýshydan, pedagogten bastap barlyq deńgeıdegi basshylarǵa «ne baǵalanady?», «qashan?» jáne «ne úshin?» ekenin naqty túsinýge múmkindik beredi. Iaǵnı, jetildirilgen Bilim sapasyn baǵalaýdyń ulttyq júıesi oqýshylardyń bilimin bilim alýdyń ár satysynda baqylaýǵa, mektepter men óńirler bólinisinde máselelerdi jedel anyqtaýǵa jáne sheshýge múmkindik beredi», - deıdi Qazaqstan Respýblıkasy Oqý-aǵartý mınıstrliginiń Bilim salasynda sapany qamtamasyz etý komıtetiniń basqarma basshysy Dınara Ábilqanova.
Sonymen qatar, mınıstrlik bilim berý sapasyn syrttaı baǵalaýdyń ulttyq quraly – bilim alýshylardyń bilim jetistikteriniń monıtorıńin jetildirý boıynsha jumys júrgizýde. Qazirgi ýaqytta BBJM Nıderlandyda RCEC (Research Center for Examination and Certification) halyqaralyq zertteý, sertıfıkattaý ortalyǵynda akredıtteý rásiminen ótýde. Bul BBJM mazmuny men rásimderin halyqaralyq standarttarǵa sáıkes keltirýge múmkindik beredi.
Esterińizge sala keteıik, Qazaqstan alty halyqaralyq zertteýlerge qatysady: PISA, PIRLS, ICILS, TIMSS, TALIS, mektepterge arnalǵan PISA. Bıylǵy jyly bizdiń oqýshylarymyz jaratylystaný boıynsha kórsetkishterin 26 upaıǵa arttyryp, matematıka men oqýdan óz nátıjelerin saqtaý arqyly matematıka jáne jaratylystaný pánderi boıynsha TOP-50-ge en