Bul týraly Qazaqstan musylmandary dinı basqarmasynyń tóraǵasy Naýryzbaı qajy Taǵanuly Baǵdarlyq baıandamasynda málimdedi, dep habarlaıdy Almaty-akshamy.kz Múftıattyń saıtyna silteme jasap.
«Bıyl Dinı basqarma janynan ǵylymı-zertteý ortalyǵyn ashamyz. Atalǵan ǵylymı ortalyqty ashýdaǵy negizgi maqsat – elimizdegi dinı ahýalǵa tıisti taldaý jasap jáne qazaq topyraǵynan shyqqan din ǵalymdarynyń eńbekterin zerttep, ony jaryqqa shyǵarý. Sonymen qatar qazaq aqyn-jazýshylarynyń, jyraýlarynyń eńbekterindegi din taqyryptaryn jınaqtap, halqymyzǵa jetkizý» dedi Bas múftı.