Irbıs tikushaq úlgisindegi ushqyshsyz ushaq elimizde alǵash ret shyǵaryldy
Mamandardyń aıtýynsha, apparattyń jeti kelige deıingi júkti kóteretin qaýqary bar, al ushý qashyqtyǵy 60 shaqyrymǵa jetedi. Prototıpti jasaýǵa eki jyl ketken. Atalmysh otandyq óndiris áskerı, azamattyq jáne ónerkásip salalarynda jumys isteýge arnalǵan. Onymen qosa, drondar qorshaǵan ortaǵa monıtorıń júrgizip, tótenshe jaǵdaılardyń aýqymyn baǵalaı alady eken.
«Jańa qurylǵynyń múmkindikteri munymen shektelmeıdi», – deıdi óndirýshiler.
«Eń aldymen, apparat aýyl sharýashylyǵyna, ıaǵnı jerdi tańbalaýǵa, ózenderdiń tasýyn baqylaý úshin qajet. Bul Tótenshe jaǵdaılar mınıstrligine, Qorǵanys mınıstrligine, memlekettik qaýipsizdik kúshterine óte qolaıly», - deıdi «Kazakhstan Engineering» UK» AQ basqarma tóraǵasynyń keńesshisi Ratmır Komratov.