Energetıka mınıstri Almasadam Sátqalıevtiń aıtýynsha, Qazaqstanda benzın baǵasy naryqtyq suranys pen usynysqa baılanysty ózgeretin bolady, dep habarlaıdy aqshamnews.kz
Mınıstrdiń pikirinshe, baǵanyń shekti deńgeıin naryq ózi anyqtaıdy.
«Baǵa áleýmettik jaýapty bolýy kerek jáne munaı ónimderi naryǵynyń turaqtylyǵyn buzbaýy tıis. Sondyqtan bul baǵa Agenttik tarapynan baqylana otyryp, júıeli túrde ósedi. Naryqtyq qaǵıdalarǵa súıensek, belgili bir ýaqyt ishinde Qazaqstandaǵy benzın baǵasy Reseı deńgeıine jaqyndaýy múmkin», – dep túıindedi mınıstr.
2025 jyldyń 26 aqpanyna sáıkes, Reseıdegi AI-92 benzıniniń ortasha baǵasy 56,13 rúbl (shamamen 325,05 teńgeni quraıdy). Bul Qazaqstandaǵy qazirgi baǵaǵa qaraǵanda shamamen 58,5%-ǵa joǵary, sebebi elimizde benzın quny 205 teńge bolyp tur.