Jumys sapary barysynda Oqý-aǵartý mınıstri Ǵanı Beısembaev Almaty qalasyndaǵy RFMM-niń jumysymen tanysty.
50 jyldyq tarıhy bar respýblıkalyq mektepten elimizge belgili myqty matematıkter, saıasatkerler, ǵalymdar, sondaı-aq halyqaralyq olımpıadalardyń birneshe dúrkin jeńimpazdary shyqqan.
2024 jyldyń qorytyndysy boıynsha RFMM túrli halyqaralyq jáne kontınenttik olımpıadalarda 67 medal jeńip aldy, onyń ishinde álem oqýshylary arasyndaǵy TOP-7 pándik olımpıadaǵa kiretin IMO, IPhO jáne IOI sekildi iri dodalarda tórt medal ıelengen. Júldegerler ishinde Ámirlan Amanjolov, Dinmuhamed Egeýbaev, Marǵulan Nursaǵatov, İlıas Qazymbek jáne Maksım Soı bar. Budan basqa 2005 jyldan bastap RFMM QR Oqý-aǵartý mınıstrliginiń qoldaýymen jáne 15 eldiń oqýshylarynyń qatysýymen Matematıka, fızıka jáne ınformatıka pánderinen Halyqaralyq Jáýtikov olımpıadasyn ótkizip keledi.
«Prezıdentimizdiń, ustazdarymnyń jáne ata-anamnyń qoldaýy maǵan senimdilik pen kúsh-qýat beredi. Bolashaqta elimizdiń órkendeýine, otandyq ǵylymnyń damýyna óz úlesimdi qosqym keledi», - deıdi IMO kúmis júldegeri Ámirlan Amanjolov.
Óz kezeginde mınıstr memleket tarapynan óskeleń urpaqtyń tolyqqandy damýyna barlyq jaǵdaı jasalyp jatqanyn atap ótti. Prezıdenttiń bastamasymen 2022 jyldan bastap halyqaralyq pándik olımpıadalardyń jeńimpazdary men júldegerlerine jáne olardy daıyndaǵan pedagogterge aqshalaı syıaqy berilip keledi.
«Sizder - elimizdiń maqtanyshy ǵana emes, úzdiksiz damýǵa umtylǵan jáne negizin bilim men ilimnen alatyn zıaly ulttyń bolashaq ókilisizder. Sizderdiń qol jetkizgen jetistikterińiz qatarlastaryńyzǵa úlgi bolyp qana qoımaı, bıik belesterge talpynýǵa shabyt beredi. Memleket sizderge tolyqqandy qoldaý kórsetip, ári qaraı ósýlerińiz, damýlaryńyz úshin qajetti jaǵdaıdy jasaıdy. Sizderdiń bilim alýǵa jáne ony jetildire túsýge degen umtylystaryńyz tutas ult úshin qozǵaýshy kúshke aınalatynyna senimdimin», - dedi Ǵanı Beısembaev.
Kezdesýde oqýshylar mınıstrge óz suraqtaryn qoıyp, arman-tilekterimen, maqsattarymen bólisti. Atap ótý kerek, 2024 jyly bizdiń oqýshylarymyz halyqaralyq olımpıadalarda 563 medal jeńip aldy, onyń ishinde 77 altyn bar. Sondaı-aq qazaqstandyq oqýshylar álemniń robototehnıkadan úsh dúrkin, hımıadan eki dúrkin chempıony bolyp tabylady.
Sonymen qatar mınıstr RFMM fılıalynyń ǵımaratyn rekonstrýksıalaý jumysynyń barysymen tanysty.