Úkim 2023 jyldyń 7 sáýirinen bastap kúshine enedi.
QR Úkimetiniń 2023 jylǵy 20 naýryzdaǵy qaýlysymen Qazaqstan Respýblıkasynda baqylaýǵa jatatyn esirtki quraldarynyń, psıhotroptyq zattar men prekýrsorlardyń tizbesine ózgerister men tolyqtyrýlar engizildi, dep habarlaıdy Almaty-akshamy.kz
Sonymen, kannabıs (kensora) keptirilgen jáne keptirilmegen túrde esirtkige jatatyny kórsetilgen.
«Esirtki» bólimine ızotonıtazen, krotonılfentanıl, sıklopropılfentanıl, akrıloılfentanıl (akrılfentanıl), fýranılfentanıl, tetragıdrofýranılfentanıl, U-47700, MT-45, AH-7921 qosyldy.
«Psıhotropty zattar» bólimi etızolam, tramadol, ketamınmen tolyqtyryldy.
Prekýrsorlardyń tizimi de jańa redaksıada usynylǵan. Zańsyz aınalymnan tabylǵan esirtki quraldarynyń, psıhotroptyq zattardyń, olardyń analogtary men prekýrsorlarynyń jiktelýi boıynsha jıyntyq kestege usaq, iri jáne asa iri kólemdegi tolyqtyrýlar engizildi.
Jańa basylymda «Esirtki, psıhotroptyq zattar men prekýrsorlarǵa jatqyzylǵan ósimdikterdi zańsyz ósirý kólemderi» kestesi berilgen.