2025 jyldyń 1 naýryzynan bastap Qazaqstanda balalardyń bilim alýyna arnalǵan jınaq jasaý úshin memleket qarjy bóledi. Bul qarjy sondaı-aq otbasylarǵa baspana jaǵdaıyn jaqsartýǵa da jumsalýy múmkin, dep habarlaıdy aqshamnews.kz
Baǵdarlamanyń sharttary:
- 60 AEK (shamamen 207 000 teńge) — barlyq balalarǵa beriledi.
- 120 AEK (shamamen 414 000 teńge) — jetim balalarǵa beriledi.
Qarajat arnaıy jınaq shottaryna nemese saqtandyrý kelisimsharttaryna aýdarylady.
Ata-analar ne isteýi kerek?
Ár jyl saıyn qosymsha qarjy salý qajet:
- 12 AEK (shamamen 41 000 teńge) — kópbalaly otbasylar úshin.
- 24 AEK (shamamen 83 000 teńge) — qalǵan otbasylar úshin.
Kimder alady?
Baǵdarlama 5 jastan asqan balalarǵa arnalǵan. Ár balaǵa tek bir ret aqsha beriledi.
Jınaqtalǵan qarjyny qalaı jumsaýǵa bolady?
- Bilim alý úshin tólem jasaý.
- Baspana satyp alý.
- Ipotekany óteý.
- Úı salý nemese satyp alý quqyǵymen jalǵa alý.
Eger ata-analar jınaq jasaý mindetin oryndamasa, azamattyǵyn joǵaltsa nemese kelisimshart buzylsa, aqsha memleketke qaıtarylady. Biraq ómirlik qıyn jaǵdaılar bolǵan jaǵdaıda erekshe jaǵdaılar qarastyrylǵan.
Bul baǵdarlama otbasylarǵa bilim men baspanaǵa qarjy jınaýdy jeńildetedi jáne qarjylyq aýyrtpalyqty azaıtady. Ásirese, kópbalaly jáne az qamtylǵan otbasylarǵa úlken kómek bolady.