Almatyda 2025 jyly taǵy 100 mektep avtobýsyn satyp alýdy qarjylandyrý josparlanýda
Almaty Máslıhatynyń aldaǵy sesıasynda 2025-27 jyldarǵa arnalǵan búdjettiń tıisti jobasyn qaraý josparlanýda, dep habarlaıdy aqshamnews.kz qalalyq Máslıhattyń baspasóz qyzmetine silteme jasap.
Esterińizge sala keteıik, Almaty qalasynyń «Mektep avtobýsy» jobasy Qazaqstanda alǵash ret 2023 jyly Almaty ákimi Erbolat Dosaevtyń tapsyrmasy boıynsha iske qosylǵan bolatyn.
Jobanyń ekinshi kezeńi aıasynda aǵymdaǵy jyly oqýshylardy tasymaldaý úshin qosymsha 100 avtobýs satyp alyndy. Osylaısha, qazir 200 avtobýsty 51 mektepte 9 myńnan astam bala tasymaldaıdy. Kelesi jyly jobany jalǵastyryp, taǵy 100 avtobýs satyp alý josparlanýda.
Avtobýstar shalǵaı jáne jetý qıyn aýdandarda turatyn balalar oqıtyn mektepterden ótinimder túsken saıyn marshrýttarǵa shyǵady. Bul- mektep avtobýstary bólinetin basymdyqtardyń biri. Ár mektep úshin oqýshylardyń tasymaldanýyn qamtamasyz etý úshin egjeı-tegjeıli marshrýttyq paraqtar ázirlendi.