Qujat resmı jarıalanǵan kúnnen 10 kún ótkennen keıin kúshine enedi.
QR Oqý-aǵartý mınıstri Asqat Aımaǵambetovtiń 2022 jylǵy 21 jeltoqsandaǵy buıryǵymen Balany jábirleýdiń (býllıng) aldyn alý erejesi bekitildi. Qujat resmı jarıalanǵan kúnnen 10 kún ótkennen keıin kúshine enedi, dep habarlaıdy Almaty-akshamy.kz QazAqparatqa silteme jasap.
Qaǵıdaǵa sáıkes, bilim berý uıymy ákimshiliginiń kelisimi boıynsha balany jábirleýdiń (býllıngtiń) aldyn alý jónindegi jumysqa ata-analar jurtshylyǵynyń, qyzmeti bilim berý prosesine qatysýshylardyń quqyqtaryn qorǵaýǵa qaıshy kelmeıtin múddeli memlekettik organdar men uıymdardyń, úkimettik emes uıymdardyń ókilderi tartylady.
Balany jábirleý (býllıng) týraly aqparat jergilikti atqarýshy organǵa ne bilim berý uıymyna kelip túsken kezde jaýapty tulǵa aqparatty balany jábirleý (býllıng) týraly aqparatty esepke alý jýrnalynda tirkeıdi. Balany jábirleý (býllıng) týraly kelip túsken aqparat 1 (bir) kún ishinde basshyǵa jetkiziledi. Balany jábirleý (býllıng) týraly aqparat bilim berý uıymyna túsken kezde bilim berý uıymy basshysynyń tárbıe jumysy jónindegi orynbasary:
1) balany jábirleýge (býllıngke) qatysýshylar týraly aqparat kelip túsken kúnnen bastap bastapqy aqparatty qalyptastyrady, oǵan mynalar kiredi:
balanyń (otbasy músheleriniń) tegi, aty, ákesiniń aty (bar bolsa);
turǵylyqty jeri;
oqý orny boıynsha balanyń jalpy sıpattamasy;
synyp jetekshisiniń, kýratordyń, balany (pedagogty) jábirleýge (býllıngke) qatysýshylardyń jáne (nemese) balanyń zańdy ókilderiniń jazbasha túsindirmesi.
2) aqparat kelip túskennen keıin bir jumys kúni ishinde synyp jetekshisin, pedagog-psıhologty tarta otyryp, jábirleýge (býllıngke) ushyraǵan balamen, sondaı-aq jábirleýdiń (býllıngtiń) bastamashysymen/qozdyrýshysymen jáne olardyń zańdy ókilderimen áńgimelesý júrgizedi;
3) balany jábirleýge (býllıngke) baılanysty janjaldy beıbit jolmen retteý jóninde sharalar qabyldaıdy;
4) medısınalyq aıǵaqtar bolǵan kezde medısınalyq kómek kórsetý standarttaryna sáıkes jábirleýden (býllıngten) zardap shekken balalarǵa medısınalyq kómek kórsetýge járdemdesedi;
5) áńgimelesý ótkizilgennen keıin bir jumys kúni ishinde júrgizilgen jumystyń nátıjeleri týraly aqparatty bilim berý uıymdarynyń basshysyna beredi.
Buıryqtyń tolyq nusqasymen myna jerden tanysýǵa bolady.