Buǵan deıin İİM kólikti bastapqy tirkeý úshin 200 000 teńge tóleıtinin aıtqan.
Qazaqstandyqtar oń rúldi sheteldik kólikterdi bir ret zańdastyratyn bolady, dep habarlaıdy Almaty-akshamy.kz
Bul týraly QR İİM Ákimshilik polısıa komıtetiniń tóraǵasy mindetin atqarýshy Qaısar Sultanbaev málim etti.
Tıisti máseleni Senattyń jalpy otyrysynda depýtat Nurlan Beknazarov kóterdi. Onyń aıtýynsha, búginde Qazaqstanda oń rúldi kólikterdiń júrýine zańnamalyq tyıym salynǵan. Sonymen qatar, keıbir azamattar oń rúldi sheteldik nómirli kólikterdi ákelip, qazir tirkeı almaı jatyr.
Bul rette ol Memleket basshysynyń Joldaýyndaǵy tapsyrmasyna saı, 2022 jyldyń 1 qyrkúıegine deıin Qazaqstanǵa ákelingen jáne memlekettik tirkeýden ótpegen sheteldik avtokólikterdi zańǵa sáıkes bir rettik zańdastyrý mindetin qoıǵanyn eske saldy.
«Búgingi kúni Memleket basshysynyń tapsyrmasyna baılanysty biz kólik quraldaryn birjolǵy tirkeý boıynsha jumys istep jatyrmyz, jaqynda ǵana oń rúldi kólikter bir rettik zańdastyrýǵa engiziletini týraly tıisti túzetýler engizdik. Qazir mundaı kólikterdiń sany 20 myńǵa jýyq», - dedi Qaısar Sultanbaev.