BUU jetekshisi alańdaýshylyq bildirdi.
BUU Bas hatshysy Antonıý Gýterrısh Aýǵanstanda áıelderdiń úkimettik emes uıymdarda jumys isteýine tyıym salynǵanyna alańdaýshylyq bildirdi. Bul týraly halyqaralyq uıym ókili Stefana Dújarrıktiń málimdemesinde aıtylǵan, dep habarlaıdy Almaty-akshamy.kz QazAqparatqa silteme jasap.
«Bul sheshim áıelder men qyzdarǵa kómektesetin kóptegen uıymdardyń jumysyna zıan keltiredi. Aýǵan áıelderiniń adamdar ómirin saqtap qalý jolynda halyqaralyq qaýymdastyqpen jumys isteýine tyıym salý Aýǵanstan halqyna budan da kóp qasiret ákeledi», - dedi Stefana Dújarrık.
Aıta keteıik, Talıban bılikke kelgennen keıin aýǵanstandyq áıelderge tyıym kúsheıdi. Endi aýǵandyq áıelder saıabaqta qydyra almaıdy jáne ýnıversıtetterde oqı almaıdy.