Respýblıka boıynsha 795 myń tonna kóleminde túrli azyq-túlik taýarlarynyń qory bar.
Qazaqstannyń Aýyl sharýashylyǵy mınıstrliginiń mamandary apta saıyn monıtorıń júrgizip otyrady. Olardyń málimeti boıynsha, respýblıka boıynsha 795 myń tonna kóleminde túrli azyq-túlik taýarlarynyń qory bar, dep habarlaıdy Almaty-akshamy.kz.
«Bul monıtorıń turaqtandyrý qorlaryndaǵy, iri saýda jelilerindegi, jetkizýshiler men qaıta óńdeý kásiporyndarynyń qoımalaryndaǵy qorlardy eskeredi», – dep habarlaıdy Aýyl sharýashylyǵy mınıstrliginiń baspasóz qyzmeti.
Óńirlerdiń jedel derekterine sáıkes, qazirgi ýaqytta respýblıka boıynsha 795 myń tonna kóleminde túrli azyq-túlik taýarlarynyń qory bar. Onyń ishinde óndirýshi kásiporyndarda 298 myń tonna, qoımalarda – 93,2 myń tonna, saýda jelilerinde – 353,2 myń tonna, turaqtandyrý qorlarynda – 19,8 myń tonna. Sonymen qatar, 325 mln jumyrtqa men 3,5 mln tonna azyq-túlik bıdaıy bar.
Osyǵan oraı, tez buzylatyn ónimderdiń qory bir apta nemese odan da kóp ýaqytqa, al uzaq merzimdi saqtaý ónimderiniń birneshe aıǵa jetkilikti qory jınaqtalǵan. Aıta keter jáıt, azyq-túlik óndirisi artyp keledi jáne qorlar únemi jańartylyp, tolyqtyrylyp otyrady. Sondyqtan olar boıynsha tapshylyq joq jáne kútilmeıdi.