Munda 30-ǵa jýyq tyńdaýshy til meńgerip jatyr.
Almaty oblysyndaǵy «Qoǵamdyq kelisim» mekemesinde ózge etnos ókilderine memlekettik tildi oqytý qolǵa alynǵan. Onda oqytý «Til damytý» baǵdarlamasy jáne «Mámile. Sıtýatıvnyı kazahskıı» jobasy negizinde tegin júrgiziledi, dep habarlaıdy Almaty-akshamy.kz.
Atalǵan mekemeniń qoǵamdyq-kópshilik sharalardy uıymdastyrý qyzmetiniń jetekshisi Nurlan Moldahmetovtiń aıtýynsha, sabaq barysynda jańa sózder, maqal-mátelder jattaý, merekelik tilekter jazý, ár taqyrypta beınerolıkter túsirý sıaqty túrli ádistemeler paıdalanylady.
«Sol sıaqty oblystaǵy «Til» oqý-ádistemelik ortalyǵynda da til oqytý kýrstary júrgiziledi. Qazaq, orys, aǵylshyn tilderindegi mashyǵyn shyńdaýǵa nıet bildirýshiler qatary jyl saıyn artpasa kemigen joq. Máselen, ortalyq bıylǵy jyldyń birinshi jartysynda memlekettik tildi oqytý kýrsyna 2596 til úırenýshini qabyldaǵan. Olardyń qatarynda memlekettik mekemeler men búdjettik sala qyzmetkerleri, sondaı-aq jeke tulǵalar da bar. Kýrsqa qatysýshylardyń 1326-sy, ıaǵnı 49%-etnos ókilderi», – delingen oblys ákiminiń baspasóz qyzmetiniń habarlamasynda.
