Qazaqstanda QR Qylmystyq-prosestik kodeksine alqabılerdiń qatysýymen sot qaraıtyn isterdiń sanattaryn keńeıtý boıynsha túzetýler engizý josparlanyp otyr
2023 jyldyń 1 qańtarynan bastap zań kúshine engennen keıin alqabıler sottalýshy ótinish bildirse, asa aýyr qylmystar týraly barlyq isti qaraıdy, dep habarlaıdy Almaty-akshamy.kz
Búginde qazylar alqasy 14 quramdy qarasa, 2023 jyldyń 1 qańtarynan bastap 30 quram qosylady. Túzetýlerdi qabyldaý nátıjesinde alqabıler sotynda 44 aýyr jáne asa aýyr qylmys qaralatyn bolady.
Mysaly, 2024 jyldan bastap alqabılerdiń qatysýymen mynadaı aýyr qylmys túrleri qarastyrylady dep josparlanyp otyr:
-
azaptaý, júkti áıelderdi, kámeletke tolmaǵandardy azaptaýdy qoldana otyryp qorlaý;
-
mal urlaý;
-
qarý qoldaný arqyly jasalǵan buzaqylyq;
-
zańsyz ańshylyq;
-
kólikti mas kúıinde júrgizý.
Statısıkaǵa sáıkes, 2021 jyly 85 adam qatysqan 59 alqabıler soty boldy. Onyń 78-i sottalyp, 7-eýi aqtaldy.
Túzetýlerdi ázirleýshilerdiń pikirinshe, usynylyp otyrǵan ózgeristerdiń sot júıesin demokratıalandyrý, sottarǵa senim deńgeıin arttyrý, azamattyq qoǵamnyń sot tóreligin júzege asyrýǵa qatysýy, quqyqtyq mádenıet pen quqyqtyq sanany arttyrý sıaqty oń saldary bolady.
Qujat qoǵamdyq talqylaý úshin Ashyq NQA veb-saıtynda jarıalanǵan.