Almaty qalalyq polısıa qyzmetkerleri arnaıy reıd kezinde Rozybakıev kóshesiniń boıynda zańsyz saýda jasap jatqan turǵyndardy anyqtady.
Tekserýge narazylyq bildirgen saýdagerlerdiń biri kóliktiń astyna túspekshi boldy, dep habarlaıdy Almaty-akshamy.kz QazAqparatqa silteme jasap.
Oqıǵanyń vıdeosy áleýmettik jelide tarady. Beınejazbadan polıseılerge narazylyq bildirip, ashýǵa boı aldyrǵan áıeldiń kósheniń ortasyna baryp jatyp alǵanyn kórýge bolady. Óz kezeginde Almaty qalalyq polısıa departamenti Rozybakıev kóshesi boıyndaǵy kóterme bazar mańynda ornalasqan úılerdiń turǵyndarynyń kóptegen aryz-shaǵym túskenin málim etti.
Osyǵan oraı Almaly aýdandyq polısıa bóliminiń ýchaskelik polısıa qyzmetkerleri atalǵan aýdan ákiminiń tapsyrmasy boıynsha jabaıy saýdanyń aldyn alý jáne joıý maqsatynda reıd júrgizdi.
«Quqyq buzýshylar arasynda 1962 jyly týǵan A. esimdi áıel boldy. Ol polısıa qyzmetkerleriniń zańdy talaptaryna baǵynǵysy kelmeı, jolǵa júgirip shyqty. Oǵan qytysty Ákimshilik quqyqbuzýshylyq týraly kodekstiń 667-babynyń birinshi tarmaǵy boıynsha ákimshilik hattama toltyryldy», - dedi polısıadan.