QR Kólik mınıstrliginiń tapsyrmasy boıynsha «Jol aktıvteri sapasynyń ulttyq ortalyǵy» RMK elimizdegi barlyq asfáltbeton zaýyttaryn atestattaýdan ótkizip jatyr.
Qazir respýblıkada tirkelgen 414 ABZ-niń 332-si (80%) ınspeksıadan ótti, dep habarlaıdy aqshamnews.kz.
Atap aıtqanda, JASUO ınspektorlary Astana jáne Shymkent qalalarynda, Jetisý, Almaty, Qostanaı, Atyraý, Pavlodar oblystaryndaǵy zaýyttardy zerttedi.
Asfáltbeton zaýyttary men zerthanalardyń jaraqtandyrylýy qoldanystaǵy normatıvtik qujattardyń talaptaryna sáıkestigi, sapa qyzmetine sáıkes shtat quramynyń bolýy, materıaldardyń, konstrýksıalar men buıymdardyń kiris baqylaýynyń, onyń ishinde jol-qurylys materıaldaryn saqtaý jáne tasymaldaý qaǵıdalarynyń saqtalýy, sapany baqylaýdy qamtamasyz etý jónindegi tehnologıalyq reglamentterdi tekserildi.
Atestattaý jumystary odan ári jalǵasady. Onyń maqsaty-jol materıaldarynyń joǵary sapasyn qamtamasyz etý, óndirýshilerdiń jaýapkershiligin arttyrý jáne sol arqyly Qazaqstandaǵy avtomobıl joldarynyń jaı-kúıi men uzaq merzimge shydamdylyǵyn jaqsartýǵa yqpal etý. Qazir, jolshylar kúsheıtilgen rejımde jumys istep júr. Aıdyń sońyna deıin qalǵan 82 ABZ-ǵa baǵalaý jasaıdy.