Ol HH ǵasyrdyń 30-shy jyldary repressıa qurbany bolǵan qazaq zıalylarynyń taǵdyryn zertteýge kiristi.
Bul týraly QR Mádenıet jáne sport mınıstrligi Sırek kitaptar jáne qoljazbalar ulttyq ortalyǵynyń dırektory Jandos Boldyqov málim etti, dep habarlaıdy Almaty-akshamy.kz QazAqparatqa silteme jasap.
«Qýǵyn-súrginge ushyraǵan zıaly qaýym ókilderiniń taǵdyryn zertteýmen aınalysatyn arnaıy komısıa quryldy. Atalǵan komısıa memleketaralyq deńgeıde jumysty bastap ketti. Onyń quramynda 20 adam bar. Zertteýmen aınalysatyn komısıa músheleriniń arhıv, basqa da tarıhı dúnıeler ortalyǵyna kirip jumys isteýge ruqsaty bar», - dedi Sırek kitaptar jáne qoljazbalar ulttyq ortalyǵynyń dırektory Jandos Boldyqov.
Sondaı-aq, onyń aıtýynsha, repressıaǵa ushyraǵan zıalylardyń taǵdyryn zertteýshilerdiń jaqyn shet elderdiń arhıvimen jumys isteýine ruqsat berilgen.
«Aldaǵy ýaqytta arnaıy komısıa jumysynyń nátıjesinde tyń dúnıeler men aqparattar paıda bolady degen senimdemiz. Dál qazir komısıa jumysynyń nátıjesi týraly aıtýǵa erte. Sebebi zertteý jumystary júrip jatyr. Jumysty qorytyndylaı kele, úlken bir jınaq nemese monografıa shyǵyp qalar», - deıdi ol.