Urlanǵan kólikterdiń 775-i tabylǵan.
Mundaı derekterdi QR İİM Krımınaldyq polısıa departamentiniń aǵa jedel ýákili Qudıar Nurseıitov keltirdi, dep habarlaıdy Almaty-akshamy.kz.
«Eń jıi urlanatyn kólikterge kelsek, bul jerde Toyota, Lexus kólikteri jıi urlanatynyn aıtýǵa bolady. Bıyl 60-tan astam kólikke izdeý jarıalandy. Onyń 85 %-y tabylyp, ıelerine qaıtaryldy», - dedi ol.
Onyń sózine qaraǵanda, TMD elderiniń arasynda urlanǵan kólikterdi bir-birine qaıtarý boıynsha tyǵyz baılanys bar.
«Birlesken jumystardyń arqasynda keıingi 5 jylda TMD elderinan Qazaqstanda urlanǵan 50-den astam avtokólik tabyldy.
Al bizdiń elden Dostastyq memleketteriniń aýmaǵynda urlanǵan 200-ge jýyq avtokólik izdestirildi.
Jyl basynan beri 909 kólik urlansa, olardyń 775-i tabylyp, zańdy ıelerine qaıtaryldy.
Osyndaı qylmystardy jasaǵan 19 qylmystyq top ustaldy. Qazir olardyń halyqaralyq baılanystary tekserilip jatyr», - dedi jedel ýákil.