Qazaq onkologıa jáne radıologıa ǵylymı-zertteý ınstıtýtynyń dárigerler komandasy Qazaqstandaǵy alǵashqy joǵary tehnologıalyq robottandyrylǵan onkohırýrgıalyq operasıany — keńeıtilgen lımfodısseksıasy bar nefredrenalektomıany sátti jasady.
Biregeı hırýrgıa onkologıalyq aýrýdyń damyǵan satysynda jasalady jáne zaqymdalǵan búırekti, búırek ústi bezin jáne aımaqtyq lımfa túıinderin alyp tastaýdy qamtıdy, dep habarlaıdy aqshamnews.kz
Operasıa jańa býynnyń robottandyrylǵan hırýrgıalyq platformasy — Sage bot SR–2000 kómegimen sátti jasaldy, ol kúrdeli klınıkalyq jaǵdaılarda da az ınvazıvti aralasýdy júzege asyrýdyń keń múmkindikterine ıe.
Buryn qoldanylǵan jartylaı avtomatty júıelerden aıyrmashylyǵy,Sage bot SR–2000 paıdalaný hırýrgıalyq dáldiktiń, beıneleýdiń jáne baqylaýdyń sapaly jańa deńgeıine qol jetkizýge múmkindik berdi. Bul buryn tehnıkalyq turǵydan qol jetkizý qıyn dep sanalǵan onkologıalyq aýrýlardy emdeýdiń jańa perspektıvalaryn ashady.
Robottandyrylǵan operasıanyń artyqshylyqtary:
•Obyrdyń keń taralǵan túrlerinde tıimdiliktiń joǵarylaýy
• Aralasý kólemin saqtaı otyryp, tinderdiń eń az jaraqaty
• Dáldikti jaqsartý úshin operasıalyq óristi 3D-vızýalızasıalaý
• Quraldardyń mıkrohırýrgıalyq manevrligi
• Operasıalyq topqa fızıkalyq júktemeni azaıtý
• Pasıentti qorǵaýdyń ıntellektýaldy júıeleri
«Bul oqıǵa Qazaqstanda onkohırýrgıany damytýdaǵy mańyzdy kezeń boldy. Biz ozyq tehnologıalardy engizý pasıentterge eń kúrdeli klınıkalyq jaǵdaılarda da kómek kórsetýge múmkindik beretinin maqtan tutamyz», - dep atap ótti QazORǴZI dırektory Bekmuhambetov Erbol Jasulanuly.
QazORǴZI praktıkasyna robottandyrylǵan hırýrgıany sátti engizý ınstıtýttyń tehnologıalyq kóshbasshylyq kýrsyn jáne qazaqstandyq pasıentterdiń zamanaýı jáne tıimdi emdeý ádisterine qol jetkizýin qamtamasyz etýge umtylysyn rastaıdy.