Almatyda jyl basynan beri biryńǵaı beınebaqylaý júıesi qoǵamdyq qaýipsizdikti qamtamasyz etýde jáne ártúrli aýyrlyqtaǵy qylmystardy ashýda joǵary tıimdiligin kórsetti, dep habarlaıdy aqshamnews.kz.
Úsh aıdaǵy jumystyń qorytyndysyn shyǵarǵan Almaty qalalyq polısıa departamenti, biryńǵaı beınebaqylaý júıesine biriktirilgen sıfrlyq sheshimder men jasandy ıntellekt tehnologıalarynyń negizgi rólin atap ótti. Beıne analıtıka, kamera aralyq baqylaý, bet pen nómirdi taný modýlderi oqys oqıǵalarǵa den qoıý jyldamdyǵyn aıtarlyqtaı arttyrdy, kúdiktilerdi izdeý ýaqytyn qysqartty jáne dáleldemelik bazany nyǵaıtty. Inovasıalyq tehnologıalardy engizýdiń arqasynda izdeýde júrgen adamdardy anyqtaýdy aıtarlyqtaı jyldamdatýǵa, quqyq buzýshylardyń júrý joldaryn tıimdi qalpyna keltirýge jáne zańsyz áreketterge jedel tosqaýyl qoıýǵa múmkindik týdy.
- Beınebaqylaý júıesi birqatar qylmystardy, sonyń ishinde urlyq, kólik urlaý jáne denege aýyr zıan keltirý derekterin tıimdi ashýǵa múmkindik berdi. Bul, árıne, qoǵamdyq qaýipsizdikti qamtamasyz etýde quqyq qorǵaý organdaryn sıfrlandyrýdyń qanshalyqty mańyzdy ekenin kórsetedi, - dedi Almaty qalasy PD jedel basqarý ortalyǵy bastyǵynyń orynbasary Rústem Qapanov.