Bul joba arqyly áleýmettik mańyzy bar azyq-túlik baǵasyn baqylaýǵa bolady.
Qazaqstan Úkimeti áleýmettik mańyzy bar azyq-túlik baǵasyn baqylaýdy qolǵa alýdy josparlar otyr. Osy maqsatta arnaıy pılottyq joba iske asyralady, dep habarlaıdy Almaty-akshamy.kz QazAqparatqa silteme jasap.
Elektrondy shot-faktýralar aqparattyq júıesi negizinde Qazaqstan aýmaǵynda baqylanatyn áleýmettik mańyzy bar azyq-túlik taýarlaryn jáne tas kómirdi ákimshilendirýdi jetildirý úshin pılottyq jobany iske qosý josparlanǵan. Bul týraly Memlekettik kirister komıtetine silteme jasap QazAqparat habarlaıdy.
Inflásıanyń ósýine, azyq-túlik ónimderi men munaı ónimderine baǵanyń ósýine jol bermeý jónindegi sharalar sheńberinde Memlekettik kirister komıteti «Elektrondyq shot-faktýralardyń aqparattyq júıesi negizinde Qazaqstan Respýblıkasynyń aýmaǵynda baqylanatyn áleýmettik mańyzy bar azyq-túlik taýarlaryn jáne (nemese) tas kómirdi ákimshilendirýdi jetildirý jónindegi pılottyq jobany iske asyrý qaǵıdalaryn bekitý týraly» Qarjy mınıstri buıryǵynyń jobasyn ázirledi.
Osy buıryqpen áleýmettik mańyzy bar taýarlar men kómirdi ótkizý kezinde elektrondyq shot-faktýralardy (ESHF) shyǵarý boıynsha salyq tóleýshilerdiń mindetin engizý bóliginde pılottyq jobany 2022 jylǵy 31 jeltoqsanǵa deıin iske asyrý kózdeledi.