Neke buzý erejelerine keıbir ózgerister engizilmek
Ádilet mınıstrligi Azamattyq hal aktilerin memlekettik tirkeýdi uıymdastyrý qaǵıdalaryna ózgerister engiziletin buıryq jobasyn daıyndady, dep habarlaıdy Almaty-akshamy.kz
Jańa ózgerister balalary joq erli-zaıyptylardyń ajyrasý rásimi týraly bolmaq.
Ol úshin nekeni buzý týraly ótinish berý qajet, onda nekeni buzýǵa jáne olarda kámeletke tolmaǵan balalardyń bolmaýyna ózara kelisimdi rastaý qajet.
Nekeni buzýdy memlekettik tirkeýdi tirkeýshi organ nekeni buzý týraly birlesken ótinish berilgen kúnnen bastap bir aı merzim ótkennen keıin nekeni buzýshylardyń jeke qatysýymen júrgizedi.
Merzimniń ótýi ótinish berilgennen keıingi kelesi kúni bastalyp, kelesi aıdyń tıisti kúninde aıaqtalady. Eger bul kún jumys kúni bolmasa, onda odan keıingi jumys kúni merzimniń aıaqtalǵan kúni bolyp esepteledi. Bir aılyq merzimdi qysqartý múmkin emes.
Nekeni buzǵysy keletin erli-zaıyptylar tirkeýshi organǵa jeke basyn kýálandyratyn qujatpen nemese nekeni buzýdy tirkeýdiń belgilengen kúni sıfrlyq qujattar servısinen elektrondyq qujatpen kelýi qajet ekendigi kórsetiledi.
Eger erli-zaıyptylar ózderi belgilegen kúni kele almasa, olar tirkeýshi organǵa nekeni buzý týraly ótinishpen qaıta júgine alady jáne olarǵa nekeni buzýdy tirkeý úshin qaıtadan bir aı merzim taǵaıyndaıdy.
Eger erli-zaıyptylardyń bireýi nekeni buzýdy tirkeý úshin tirkeýshi organǵa qaıta ótinish bergennen keıin kele almasa, onda nekeni buzý ol bolmaǵan kezde júrgizilýi múmkin. Ol úshin onyń nekeni buzýǵa notarıaldy kýálandyrylǵan kelisimin usyný qajet.
Nekeni «Azamattarǵa arnalǵan úkimet» memlekettik korporasıasy arqyly buzýǵa bolady. Kámeletke tolmaǵan balalary joq erli-zaıyptylar portalǵa júgingen kezde:
- Portaldyń eseptik jazbasyna ótinish berýshiniń ESQ-men nemese uıaly baılanys operatory usynǵan bir rettik parólmen kýálandyrylǵan elektrondyq ótinish;
- Azamattyq hal aktilerin tirkeý týraly málimetter.
Eger jubaıy joǵalǵan nemese sottalǵan bolsa, kelesi qujattardy usyný qajet:
- Nekeni buzý týraly ótinish;
- Jeke basyn kýálandyratyn qujat nemese sıfrlyq qujattar servısinen elektrondyq qujat;
- Neke qıý (erli-zaıypty bolý) týraly kýálik;
- Búdjetke memlekettik bajdyń tólengenin rastaıtyn qujat;
- Jubaıyn habar-osharsyz ketken ne áreketke qabiletsiz dep taný týraly zańdy kúshine engen sot sheshimi nemese qylmys jasaǵany úshin keminde úsh jyl merzimge bas bostandyǵynan aıyrý týraly sot úkimi týraly málimetter;
- Ótinish berýshiniń ókili júgingen jaǵdaıda notarıaldy kýálandyrylǵan senimhat.
Qujat 18 aqpanǵa deıin «Ashyq NQA» saıtynda jarıa talqylaý úshin ornalastyrylǵan.