Qazaqstanda alaıaqtar jalǵan tulǵalar (dropperler) arqyly 24 mıllıard teńgeni ($45 mıllıon) zańsyz aınalymǵa engizgen. Bul týraly Qarjy monıtorıńi agenttigi málim etti, dep habarlaıdy aqshamnews.kz.
Agenttiktiń málimetinshe, 2024 jyly 6 myńnan astam drop-karta tirkelgen. Olardy kóbinese esirtki saýdasy, kıberalaıaqtyq jáne zańsyz qumar oıyndary úshin qoldanǵan. Banktik kartalar men esepshottar jumyssyzdar, stýdentter men zeınetkerlerdiń atyna rásimdelgen.
Alaıaqtar qarapaıym azamattardy az mólsherde aqsha usynyp, kartalaryn nemese jeke derekterin berýge kóndiredi. Osylaısha, olardy zańsyz sqemalarǵa tartyp, qylmystyq áreketterdiń bir bóligine aınaldyrady. Qarjy monıtorıńi agenttigi azamattardy jeke derekterin eshkimge bermeýge jáne kúmándi usynystardan bas tartýǵa shaqyrady.