Jaǵa ustatarlyq jaǵdaı Aqmola oblysynda bolǵan.
Aqmola oblysynda er adam ıtterdi aýlap, dámhanalarǵa satyp júrgen. Polıseıler men elordalyq eriktiler qaskóıdi ustady, dep habarlaıdy Almaty-akshamy.kz.
Eriktiler satyp alýshy bolyp tanysyp, ıt aýlaýshymen sóılesken jazbasyn áleýmettik jelige jarıalady.
Er adam tender boıynsha onyń 18 aýdany bar ekenin jáne odan birde-bir ıt qashyp ketpeıtinin aıtady. Sondaı-aq ıt aýlaýshydan qalanyń jartysy et alatynyn jazǵan.
«It aýlaýshynyń qorjynynda ettiń kólemi óte úlken. Ol eshkimnen qoryqpaıtyny sonshalyq, ol bir jarym tonnadan 700 kılogramm et shyqqanyn jáne az mólsherde satpaıtynyn aıtty. Ette chıp nemese oq bolýy múmkin, sondyqtan muqıat pisirińizder deıdi. Qaskóı ustaldy, odan qarý-jaraq pen 750 keliden astam ıttiń eti tárkilendi», – delingen habarlamada.
Eriktilerdiń aıtýynsha, jaýap alǵannan keıin ıt aýlaýshy bosatylǵan.
«It pen mysyqtardyń etin jeýge tyıym salynady jáne bul Qylmystyq kodekstiń 316-baby («Janýarlarǵa qatygezdikpen qaraý») boıynsha qaralady. Máselege quqyq qorǵaý organdary nazar aýdarady dep úmittenemiz, óıtkeni osyndaı jaǵdaı Almaty oblysynyń Qarasaı aýdanynda baıqaldy, onda qylmystyq is qozǵalady», – dep jazady eriktiler áleýmettik jelige.
Belsendiler ıtterdiń etine tapsyrys bergen jáne dámhanaǵa kelýshilerdiń densaýlyǵyna qaýip tóndirgender de qaralýy tıis dep sanaıdy.
«Aqyr sońynda, qańǵybas ıtter aýrý, qutyrǵan bolýy múmkin. Olardy kim tekserip jatyr»? – deıdi janýarlardy qorǵaýshylar.